Այս ցուցահանդեսը հայ ժողովրդի վերածնունդի խորհուրդն ուներ

Մարտի 28-ի երեկոյան Աբովյան փողոցը սովորականից առավել մարդաշատ էր: Մթնոլորտը լցված էր բարությամբ: Առիթը մեկն էր ու շատ կարևոր: «Բարի կամքդ» նախաձեռնության և Ռուսաստանի ու ՅՈՒՆԵՍԿՈ-ի նկարիչների միության անդամ Ասյա Հակոբյանի նկարների ցուցահանդեսի բացումը՝ նվիրված Հայոց Մեծ Եղեռնի հարյուրամյա տարելիցին:

Ցուցահանդեսի բացումն անց էր կացվում Մեգերյան կարպետ խանութ-սրահում: Մեզանից յուրաքանչյուրի համար մեծ պատասխանատվություն էր ցուցահանդեսի կազմակերպումը, քանզի այն իր մեջ կրում էր հայ ժողովրդի վերածունդի խորհուրդը՝ ժողովրդի, ով հարյուր տարի առաջ գազանաբար ջարդվեց, բայց շարունակում է ապրել հայոց հողի վրա:

Ցուցահանդեսին մասնակոցում էին  «Բարի կամքդ» նախաձեռնության անդամներն ու համակիրները, ծանոթ-անծանոթ, ովքեր հավաքվել են մեկ ընդհանուր գաղափարի շուրջ:

Բացումն անցավ ջերմ մթնոլորտում, շատ մտերմիկ: Ներկա էին դիմանկարներում պատկերված մարդիկ՝ օլիմպիական խաղերի եռակի չեմպիոն, մարմնամարզիկ, «Օղակների արքա», Հայաստանի 20-րդ դարի լավագույն մարզիկ Ալբերտ Ազարյանը: 
«Ֆիտոկոլաժիստների միջազգային ասոցացիայի» համանախագահ Նելլի Դանիելյանը, ֆոտոնկարիչ Անդրանիկ Լավչյանը, փոքրիկները:

Բացի նրանից, որ ցուցահանդեսը Ասյայի հոգու պարտքն էր հայ ժողովրդին նաև ուներ բարեգործական նպատակ՝օգնել այն երեխաներին ովքեր դրա կարիքն ունեն:

«Բարի կամքդ» նախաձեռնության բարեգործական արկղիկում հավաքվեց փոքրիկ գումար և այդ գումարով առաջիկայում կօգնենք մի ընտանիքի: Շնորհակալություն նրանանց, ովքեր իրենց լուման ունեցան այդ գործում:

Շնորհակալություն բոլոր նրանց, ովքեր ներկա գտնվեցին ցուցահանդեսին: